Bi urteetan, hiri-behatokia aktibatu du, eta hausnarketa komun bat proposatu du, hiri garaikidean dimentsio askoko krisialdia (ingurumenekoa, osasunekoa, ekonomikoa, energetikoa, soziala) nola agertzen den aztertzeko.
Agora-formako arkitektura eramangarri gisa diseinatuta, Behatokia Zentroan eta hiriko hainbat tokitan jarri da, eztabaidarako guneak irekitzeko, arteak eta kulturak hiri-eraldaketetan duten zereginari buruz, baita arteak imajinario berriak sortzeko eta beste mundu posible batzuk proiektatzeko duen berrikuntza-gaitasunari buruz ere.
Programaren osagarri, herritarrek parte hartzeko dispositibo bat jarri da, ingurune hurbileko krisiegoerari buruzko datuak jaso eta bistaratzeko.
Ikerketa-prozesu guztia Azkuna Zentroak urte honetan argitaratuko duen proiektuaren amaierako argitalpenean jasoko da.
Deskribapena:
Behatokia hiri-behatoki bat da. Situation Room ireki eta parte-hartzaile bat. Dimentsio anitzeko (ingurumenekoa, osasunekoa, ekonomikoa, soziala…) krisi honen testuingurua hirian nola agertzen den eta arteak eta kulturak hiri-bizigarritasuneko baldintzei zer-nola lagun diezaieketen ikus daiteke bertatik.
Agora-formako arkitektura eramangarri gisa diseinatuta, Behatokia Zentroan eta hiriko hainbat tokitan jarri da, eztabaidarako guneak irekitzeko, arteak eta kulturak hiri-eraldaketetan duten zereginari buruz, baita arteak imajinario berriak sortzeko eta beste mundu posible batzuk proiektatzeko duen berrikuntza-gaitasunari buruz ere. Programaren osagarri, herritarrek parte hartzeko dispositibo bat jarri da, ingurune hurbileko krisiegoerari buruzko datuak jaso eta bistaratzeko.
Behatokia 1 - Kutsadura eta osasun-krisiaa (2022-10-06). Proiektua Zentroko Ate Irekien Jardunaldiaren esparruan aurkeztu da, Olga Subirós eta Diego Sologurenen parte-hartzearekin.
Behatokia 2 - Hiria mahai gainean (2023-01-21). Behatokiaren bigarren topaketa Erriberako Merkatuan izango da eta elikagaien krisia eta hiri diseinua hartuko ditu hizpide.
Behatokia 3 - Gentrifikazioa eta hirirako eskubidea (2023-03-16). Behatokiak martxoan jarraitzen du gentrifikazioari eta hirirako eskubideari buruzko topaketa batekin. Hirugarren kokapen hau Areatzako oholtzakean izango da.
Behatokia 4 - Zombi-espazioak (2023-06-04). Topaketa horretan gogoeta egingo da logika espekulatiboek espazioei buruz, interes pribatuek baldintzatutako kudeaketa publikoek, hasi eta geldiarazitako obrek…
Behatokia 5 - Renaturbanizar (2023-07-13). Mundu zientifikoak "Esperientziaren iraungipena" deitzen dio gizakiok egiten dugun ingurumenaren eta naturaren arteko bereizketa emozionalari, batez ere gero eta pertsona gehiagoren bizileku diren hirietan eta hiri-inguruneetan eta ingurune teknologikoetan.
Behatokia 6 - Migrazioak (2023-09-28). Proiektu honen seigarren eta azken topaketak migrazio-fluxuek hirietan sortutako eraldaketak ditu ardatz.
