Kinu#3 saioa Sabine Groenewegen-i eskainita dago. Saioan, Odyssey (2018) lanaren estatuko estreinaldia egingo da. Zinemagilearen azken lana da bera, ametsezko saiakera bat, artxiboko irudien materialtasunean sakontzen duena, irudi kolonial naturalizatuen dekonstrukzioa egiteko. Filmeko adimen zehaztugabeek gai erresistente batek planeta infektatu batera iristean sortzen dituen seinaleen multzo bat aztertzen dute, istorioen fluxua, denbora eta ulertzen saiatzen ari diren espazioa nahasten baitituzte.
Aurkitutako metrajea, zientzia-fikzioa eta poesia bateratuz, Odyssey (2018) lanak zalantzan jartzen du erretorika bisuala, eta galderak egiten ditu kontatzen dizkiguten istorioei eta horiek eteteko ditugun aukerei buruz.
Deskribapena:
Aldi berean, honako jarduera hauek garatzen dira:
MASTERCLASS-A Perms, Priests and Penguins: Esfir Shub-en zinema subertsiboa
Sabine Groenewegen artista eta zinemagilea Esfir Shub aitzindariari buruzko ikerketa egiten ari da, Esfir Shub aitzindaria baita artxiboko irudien edizioan oinarritutako zinema-ekoizpenaren esparruan. Haren lana ahaztua izan bada ere, kritika abangoardista egin zion zinemaren eta publizitatearen lehen urteetan izan zen genero-irudikapenari, eta berehala aztertu zuen 1930eko hamarkadako arrazismo, kapitalismo eta faxismoaren artean zegoen lotura
Uztailak 18, 18:30ean - Sala Aretoa. Masterclass hau streaming bidez ere emango da.
LANTALDEA #3
KINUren Lantaldea#1 (Elena Aitzkoa) eta Lantaldea#2 (Maddi Barber) lan-saioek filmaketa izan zuten ardatz.
Lantaldea#3 azaroaren 25ean izango da, eta besteren materialetatik abiatuta film bat egiteko ekintzaren inguruan jardungo du. Sabine Groenewegen-ek emandako master class batekin abiatuko da, eta Esfir Shub (1894-1957) zinemagile errusiarraren lanean sakonduko da (saiakera-zineman eta apropiazio zinematografikoan aitzindaria).
DISTIRAK #3
Odyssey-n, Sabinek muntaketaren dimentsio dialektikoa lantzen du modu berezian. Horretan sakontzeko, Pablo Marte gonbidatu dugu, bere praktikatik ur sakon horietan nabigatu duen artista, prozesuan laguntza eman eta Distirak#3 idatz dezan.
