Azkuna Zentroak Jaime Refoyo artistaren lana aurkeztuko digu, Arte biziak programaren barruan. 'Pentsamenduaren geografo' honek tailer bat egingo du Geococo-ri buruz, hau da, gorputzez sortutako marrazkia abiaburutzat hartuta motrizitatea lantzeko garatu duen metodoaz.
Deskribapena:
Geococo (Gorputz Kontzientziaren Geografia) Jaime Refoyok asmatutako metodoa da, eta gorputzez sortutako marrazkia abiaburutzat hartuta motrizitatea lantzea du xede.
Egilearen lan piktorikoan eta kognitiboan du sorburua. Arlo piktorikoan, lerro zuzen eta kurba perfektuak dira, eskua jasota egindako teknika baten bidez eginak, eta, horretarako, gorputzaren eta haren inguruko espazioaren kontrola oinarritzat hartuta. Ideien arloan, lerro zuzenak gizakiaren gorputz-mintzairaren funtsen geografia dira, sinboloen gorpuztasunean oinarritutakoa.
Lerro horiek egiteko, arreta, koordinazio higiarazle mehe eta lodia, erantzunaren inhibizioa, denboraren eta espazioaren zenbatespena, patroi higiarazleen sekuentziazioa, analisi eta memoria biso-espaziala, metakognizioa eta gorputzak espazioan duen posizioaren kontzientzia behar dira. Geococo tailerrean, ikasleek sormen artistikoa eta azterketa estetikorako gaitasuna garatuko dituzte, saioan sortutako formen bidez.
