Alán Carrasco artista bisual eta ikertzaileak Le due differenti fasi della tensione pieza aurkeztuko du Mediateka Galerian, 2021ean Erromako Espainiako Akademian izan zuen egonaldian ekoitzia.
Deskribapena:
100+1 izenburuak Pier Paolo Pasolini (1922- 1975) zinemagilearen jaiotzaren mendeurrenaren oroitzapenari egiten dio erreferentzia. Instalazioa neoizko errotulu bat da, Le due differenti fasi della tensione (Tentsioaren bi fase desberdinak) osatzen duena, hau da, zuzendari italiarren “idazki kortsarioen” zati bat, idazlearen Olivetti Lettera 22 makinaren tipografiarekin.
1974ko azaroaren 14an, hil baino urtebete lehenago, Pier Paolo Pasolinik “idazki kortsario” ospetsu bat idatzi zuen Corriere della Sera egunkarian, “Cos’è questo golpe? Io so” izenekoa (Zer da kolpe hau? Nik badakit).
Italiako “berunezko urte” nahasietan, egileak adierazi zuen bazekiela zein ziren “tentsioaren bi fase desberdinak –izan ere, kontrakoak– kontrolatzen zituztenen izenak”, ordura arte egindako sarraskien egileen (material eta intelektualen) atzean zeudenen izenei erreferentzia eginez.
Pasoliniren idazkiaren izaera iragarlea nabarmentzeko, obra honek Piazza Fontanako (1969ko abenduaren 12a) eta Bolognako Estazio Nagusiko (1980ko abuztuaren 2a) atentatuak aipatzen ditu, aldi horretako indarkeria guztiari neurri handi batean eusten dion parentesi makabroa.
Mediateka Galerian, pieza itzalita egoten da egun osoan, 16:37tik 10:25era bitarteko tartean izan ezik: aipatutako atentatuen orduak, hurrenez hurren. Ekintza zital horiek argitu nahi dituen keinu poetiko txiki bat eginez, esaldi kezkagarriak gogora ekarriko digu, egun-argi gutxiago duten orduetan, “strategia della tensione” batez ere ekintza politikoa izan zela.
ADN Galería eta Alán Carrascoren kortesia.
