Komisario Berriak (KB) deialdi publikoa 2016. urtean sortu zen, komisariotza-praktika euskal ingurunean garatzeko eta alor horretan profesional berriak sendotu daitezen bultzatzeko.
Azkuna Zentroan egiten ari den bigarren edizio honek (2018-2019) laguntza ematen jarraitzen du, kuratore-proiektuak gure lurraldean agerian jartzeko, hain zuzen, azken hamarkadetan
Euskal Herriari lotutako jarduera artistikoen inguruan egin diren ikerketa-proposamenak ikustarazteko. KB edizio berri honek arreta berezia jartzen die zenbait proiekturi, zehazki, komisarioaren eginkizunaren dimentsio historikoari eta narratiboari erreparatzeko garrantzia barneratzen duten lan-ildoak abian jartzera bideratutako horiei. Ildo horretan, hiru ikerketa-kasu aurkezten ditu, Garazi Ansak (Oiartzun, 1989), Marc Badalek (Bartzelona, 1976) eta Laura Vallések (Castelló, 1984) garatutakoak.
Deskribapena:
Garazi Ansa - Hemen dira hutsunean igeri egindakoak.Tururu . Garazi Ansaren ikerketak artearen eta aktibismoaren arteko harremanak berraztertzea proposatzen du, hirurogeita hamarreko hamarkadaren amaieran eta 80ko hamarkadan zehar Euskal Herrian piztutako mugimendu eta ideia feministen eta artisten praktikekin dituen harremanen ikuspegitik.
Marc Badal - Las condiciones del desarraigo (ensayos a partir de Vicente Ameztoy). Marc Badalen proposamenak aztertzen du ‘naturaren eta landaingurunearen idealizazioa kanon kultural modura’, Vicente Ameztoyk eta beste artista batzuek eraikitako imajinariotik abiatuta.
Laura Vallés - A través de la arena. Artistak, argitalpenen (Estatuan laurogeiko hamarkadara hurbiltzeko funtsezko aldizkarien) jarrera kritikoetara eta jarduteko moduetara hurbiltzea planteatzen du, arte garaikidearen teoriatik eta kritikatik abiatuz.
