Zuzendari artistikoa, ekoizlea, koreografoa eta dantzaria, Gilles Jobin erreferentea da Errealitate Hedatuan (XR) eta dantza garaikidean.
Bere ekoizpenak mundu osoan barrena aurkeztu dira 1995az geroztik. Pieza berritzaileak sortu zituen —A+B=X (1997), Braindance (1999), The Moebius Strip (2001) eta Under Construction (2002)—, lengoaia koreografiko batean oinarrituta, ezarritako esparru estetikoetatik kanpo, arte bisualetan eta zuzeneko arteetan sartu-irtenak eginez.
Gaur egun, Gilles Jobin konpainia denbora errealeko urrutiko ikuskizunetarako teknologia eta berrikuntzara bideratuta dago, mugimendua atzemateko eta sortzeko ekipatuta dagoen Genevako estudiotik. Bere ekoizpen berrienen artean, nabarmentzekoak dira Magic Window (AR, 2019) eta Dance Trail (AR, 2020), errealitate areagotuko bi dantza-pieza; eta La Comédie Virtuelle, errealitate birtualeko erabiltzaile anitzeko pieza. 2021ean Cosmogony sortu zuen, konpainiaren estudioetan zuzeneko mugimenduan harrapatu eta denbora errealean transmititutako dantza-pieza. Bere sorkuntzak Sundance Film Festivalean (2018 eta 2020), Veneziako Zinema Bienalean (2018 eta 2020), Biennale de la danse de Lyon-en (2018) eta New Yorkeko BAM eta Basileako Haus For Electronishe Kunst / HEK eta beste museo batzuetan aurkeztu dira.
