Brigid Doherty Alemaneko eta
Arte eta Arkeologiako irakasle laguna
da Princetongo Unibertsitatean. 2003az
geroztik, Europako Kultur Ikasketen eta
Komunikabideak+Modernitateko programen irakasle ere bada. Horren aurretik,
Artearen Historiako eta Humanitateetako
irakasle laguna izan zen, Johns Hopkins Unibertsitatean. 2005ean, Irakasle
Gonbidatuen inaugurazioko Ikerketa Foroa
egin zuen Londresko Artearen Courtauld
Institutuan, eta 2006-2007an David eta
Roberta Logie Saileko irakaslea izan zen
Harvardeko Unibertsitateko Radcliffe Institutuan. Horretaz gain, Bostongo Institutu
eta Sozietate Psikoanalitikoan ere aritu
zen akademiko lagun gisa. 2011n, irakasle
aritu zen Literaturari eta Kulturari buruzko
Ikasketa Zentroan, Berlinen.
Hainbat argitalpenen egilea da, eta arte
modernistari, literaturari eta hogeigarren
mendearen hasierako teoria estetikoari
buruz idatzi du. Doherty Walter Benjaminen idazkien liburu baten koeditorea da,
The Work of Art in the Age of Its Technological Reproducibility and Other Writings
on Media, Harvard University Pressek
2008an argitaratutakoa. 2008an, gainera,
Manifesta 7: The European Biennial of
Contemporary Art delakoan parte hartu
zuen, Trenton (Italia), eta ‘The Museum of
Learning Things’ (Gauzak ikasteko museoa)
izeneko proiektuan lagundu zuen. Gaur
egun, Rosemarie Trockelen arteari buruzko
liburu bat amaitzen ari da, hori baita azken
urteotan egin duen azterlanaren beste gai
nagusietako bat.
