Carlos Garaicoa artista kubatarrak Bilbon ikusgai jarriko duen lehen erakusketa handia Azkuna Zentroan izango da, 2017ko otsailaren 16tik maiatzaren 14ra.
Deskribapena:
Erakusketak hiriko espaziotik egindako ibilbidearen ideia gogora ekartzen duten hiru instalazio handi hartzen ditu barnean: Fin de silencio (Isiltasunaren amaiera), atseden eta hausnarketa egiteko leku bat, 50eko hamarkadako Habanan zeuden saltokietako idazkunak poetikoki erreproduzitzen dituzten alfonbren multzo batez eratua; Alcantarillas (Estoldak), Bilboko zoruaren erreprodukzioa, ikuslea barneratzen den espazioan matxinada eta protesta lurzorutik etor daitezen, hiriak barren-barrendik hitz egin dezan; eta, azkenik, Partitura, musika-konposizio bat, hiriko kale-musikarien sonoritate desberdinetatik abiatuta partitura berri bat idazten duena, gaur egungo hiriaren erretratu bat eratuta.
