Hezkuntza eta bitartekaritza Azkuna Zentroaren programazio-arloak eta espazioak zeharkatzen dituen ardatza dira, eta ardatz horrek badu zentroko hormetatik harago joateko asmoa. Plataforma irekia da, eta etengabe eraldatzen ari da, ezagutza kritikoa eta herritarren arteko harremanak sortzeko. Ikaskuntzarako, esperimentaziorako eta jolaserako espazio hibrido eta diziplina artekoa, kultura eta komunitatea eraikitzeko modu sortzaileagoak eta kolektiboagoak piztearen bila dabilena. Gune honetan hainbat pertsona eta komunitateri zuzendutako jarduerak, programak eta ekintzak sartzen dira, hala nola eskola-komunitateari, familiei, artistei eta publiko espezializatuari, auzotarrei, elkarteei eta abarri zuzendutakoak.