Nazioartean ospe gehien lortu duen artista
frantsesetako bat. Saint-Étiennen jaio
zen, Frantzian. Paris, Los Angeles eta
New York artean bizi da eta lan egiten du.
Eskulturak, fotografiak, performanceak,
bideoak, bideo-jokoak eta errealitate
handitua sortzen ditu, teknika zientifikoak
eta medikoak erabiliz, adibidez, kirurgia
eta biogenetikaren bidez. Sorkuntzalan horiek baliabideak baizik ez dira
harentzat. Ideia gailentzen da, eta
materialtasunak irauten du. ORLANek
bere gorputza erabiltzen du baliabide gisa,
lehengai eta bere obraren euskarri bisual
modura, ‘ikusleek eztabaida egiten duten
bitartean’ garatzen baitu. Gorputz-arte
eta ‘haragizko arteko’ figura nabarmena
da, hala definitu baitzuen 1989an egin
zuen adierazpenean. Konpromisoa eta
aisetasuna haren obraren parte bat dira.
Ibilbide artistikoan barrena, jarrera berritzaileak, jakin-nahikoak eta subertsiboak
defendatu ditu. ORLANek etengabe eta
era erradikalean aldatzen ditu datuak,
konbentzionalismoa eta ‘ready-made’
pentsamendua etenda. Determinismo
natural, sozial eta politikoaren kontra
dago, eta menderatzeko forma guztien
kontra ere bai -gizonezkoena, erlijiozkoa,
kulturala, etnikoa, etab.- Umorea, parodia
eta arlo groteskoa uztartuz, haren
artelan probokatzaileek ikusleen arreta
bereganatzen dute, begira baitaude, aurrez
ezarritako kodeak nola astintzen dituen
so. ORLANek E-reputación irabazi zuen,
webean gehien begiratu eta jarraitutako
artistari emandako saria.
