Marxismoa eta feminismoa dira bere ikerkuntza-arlo nagusiak eta idatzi dituen liburuen artean aipatzekoak dira Gender, ArtWork and the Global Imperative: A Materialist Feminist Critique (2013), Economy: Art, Production and the Subject in the 21st Century (2015, Kirsten Lloydekin batera argitaratua), Politics in a Glass Case: Feminism, Exhibition Cultures and Curatorial Transgressions (2013, Lara Perryrekin batera argitaratua) eta Artea eta Globalizazioa: zeinu postmodernotik hondar biopolitikora (2013), bere jatorrizko hizkuntzan, grezieraz, idatzia.

Egun, Feminism, Art, Capitalism eta The Economic Subjects of Contemporary Art liburuetan lanean ari da. Ugalketa sozialaren feminismoari buruz Historical Materialism: Research in Critical Marxist Theory aldizkariak 2016an kaleratu zuen zenbaki berezian (24/2) parte hartu zuen eta Third Text aldizkariak 2017an ugalketa sozialari buruz argitaratuko duenean ere parte hartuko du.

Gainera, eleberriak idazten ditu grezieraz, azkena 2015ean argitaratu zuen Aeroplast da (xehetasunak Ersilia literatura-agentziaren webgunean: http://ersilialit.com/cms/?page_id=455).