Jordi Vilaseca eta Aritz López dira egoitza Gasteizen duen dantza garaikideko talde honen zuzendariak. Koreografiari eta antzezpenari buruzko ikuspegi berezia du taldeak, fisikotasuna eta emozioa uztartzeari eta antzezteko moduari dagokienez, eta, ikuspegi horri jarraituz, ikuslearen iruditeria komunaren elementuak baliatu eta gaurkotasunera ekartzen ditu.
Ahalegin berezi horren emaitza dira taldearen errepertorioko pieza koreografikoak, Euskal Herrian, Espainian, Europan, Erdialdeko Amerikan eta Asian antzeztuak, honako jaialdi hauetan, besteak beste: Madrid en Danza, Cádiz en Danza, Mes de Danza de Sevilla, Dferia, Festival de Artes Escénicas de Costa Rica, Fest´arts eta Koreako New Dance International Festival.
