Euskarazko Saiakeraren Euskadi Literatura Saria irabazi zuen Miren Billelabeitia irakasle ohi eta idazleak tailer hau proposatzen du, irakurketaren garrantzia eskoletako ikasleekin partekatzeko, iritzi aske eta autonomoak garatu eta jakintza kritikoaren ildoan jartzeko modu gisa.
Deskribapena:
Azken urteetan irakurketa-solasaldietan praktikan jarri duen metodologiarekin, AITITA-amamen guda zibila (Erein, 2019) aurkezten du. Solasaldiak aztertuko du nola egin den memoria historikoari buruzko proiektu hau, Mungiako Institutuko DBHko 4. mailako ikasleekin batera sortutakoa. Liburuak biltzen dituen Gerra Zibilari buruzko kontakizunak 15 urteko gazteek eskuratu zizkieten aitaitei eta amamei.
