Ágil y un placaje (Arina eta plakatze bat) proiektuak eta bera egiteko prozesuaren zati handi batek grabazioaren ezaugarriak eta mugimendua ikertzen ditu, jolasetik bertatik abiatuz, errealitatearen aldi baterako baliogabetzaile gisa hartuta. Hala ere, azaldu duenez: "Objektuek leku periferikoago bat hartu dute, prozesuaren alderdi azalekoago eta mekanizistago horretan bakarrik ez geratzeko". "Intuizioa zuzena izan da, mugimenduan dagoen irudia eraikitzeak erakarri egiten nau oraindik ere. Musikaren antzekoa iruditzen zait, bietan zuzeneko feedback bat gertatzen baita ekintzaren eta emaitzaren artean", gehitu du. Hala, Kulturen Atariko Fernández del Campo aretoan erakusten den emaitzaren prozesua aurkeztea baino, lan egiteko eta materialekin bizitzeko modua aurkeztuko du artistak.